طولك حلو
…..مثل الغصن
يتمايل من اتهده
ضيعنه الوطن وصفكنه بالراح
وصفه هذه الوطن للما يعرفون
ذبحنه الحقيقة بجف الاوهام
وعلى ذبح الحقيقة تبجي العيون
كل يوم اليجي اصعب من الراح
ونسلي ارواحنه بالباجر اتهون
تحاربت ويه اخويه بطيحت الدار
اوصل بينه الذبح حد اليرضعون
انكرنه احنه الاخوة وصرنه احزاب
اواحد على الثاني صار فرعون
انه وياك واحد خايب اشبيك
حط يدك بايدي وصير الي عون
بيوم عاشورا الموقف كئيب
بجت وية حسين اعيون الصخر
من أجه حسين اوكف يم العضيد
انحنه كباله من عنده الضهر
ادموم ويه الدمع نزلت بنكسار
جالفرات يصبّن بخد الكمر
انكسر ضهره لأن اصبح وحيد
وأبو اليمة انحنه ضهرة من القهر
راد ايشيله ويرد بيه للخيام
لكن العباس من عنده اعتذر
للمخيم لو رجع شنهو يكول
وجوده المصيوب تارك بيه أثر
راد يوص
